He taonga anō mā te motu – Kua whakatiketikehia ngā kaupapa reo Māori i te rauna tuku pūtea pāhekoheko a Irirangi Te Motu me Te Māngai Pāho

I te rauna tuku pūtea pāhekoheko tuawhā a Irirangi Te Motu me Te Māngai Pāho, kua tukua ngā pūtea kia eke ki te $5.9m ki ngā kaupapa reo rua e tekau-mā-rua ki te whakatairanga i te whakamahinga o te reo Māori i ngā paepāho whānui.

E waihape atu ana a National Treasures 2 ki TVNZ 1 mō te terenga tuarua, ā, ka tūhuratia ake ngā pūrākau o te hītori whānui o Niu Tīreni mā ngā momo taonga katoa nō ngā tau kotahi rau kua pahure ake nei.

Ka whakaahuatia ngā aupiki me ngā auheke o te tokorua whakatakataka tūpāpaku e aroha nuitia ana e Aotearoa whānui i te terenga tuaono o Casketeers, ka pāhotia i TVNZ 1.

He kaupapa motuhake rerenga tahi mā TVNZ 2 me TVNZ OnDemand, ka kitea te kaiwaiata rongonui, a Stan Walker, i Impossible: Stan Walker, e raranga ana i te kōrero me te waiata i mua i te hunga mātakitaki tokoiti i te taiwhanga, i a ia ka huritao ake ki ngā wāhanga hirahira o tōna oranga, i a ia ka whakanui i a Matariki.

I Toru, ka whai a Joe Daymond kia whakatikahia ngā kōrero i te terenga hou, i Get The Name Right – e whai ana i te kiri hangareka nei i a ia ka takahi i te mata o te whenua, e whakatairangahia ana te pai, te kino me te anuanu i muri i ngā ingoa o ngā wāhi o Aotearoa, me te whakatau hoki i ētahi tohe i tāna haere.

Mā Toru anō hoki, ko te pakipūmeka rerenga tahi, ko Kia Ora, Good Evening, e whakaahuatia ana te ara e takahi nei a Mike McRoberts ki te whai anō i te mea i riro atu i tōna whānau kotahi whakapaparanga i mua rā, arā, ko te reo Māori.

Mai i ngā kaiwaihanga o Chatham Islanders, ka kōrerohia e te pakipūmeka mā Whakaata Māori, e Auraki, ngā kōrero taupiri a ngā tāngata e hono ana ki tō rātou whakapapa Māori me te whenua.

E rua ngā terenga pakipūmeka e mātai ana ki ngā rongoā ki te tairaru āhuarangi ka pāhotia i Whakaata Māori. Ka toro a Hua Parakore ki ngā whānau e noho ana i te whenua ki te ako nā te aha, he aha hoki te punaha ahumahi kai e raru nei, me te tūranga o te rangatiratanga ā-kai, ā-whenua hoki o te Māori, me tōna whai wāhitanga atu ki te rongoā ki te tairaru āhuarangi. Ka whakatairangatia a 1.5 Degrees – A Global Warning ngā mahi whānui a ngā rangatahi e wero atu nei ki ngā whanaungatanga ā-mana me ngā aronga tōrangapū ki te whakatairanga i te raurangi ka mārohirohi ki te āhuarangi.

E pāhotia tuatahitia ana i RNZ TAHI, me ngā paepāho rongonui a Fire Fire, arā, me Flame NZ, tētahi terenga pakipūmeka poto, a Imposter, e mātai ana ka pēhea tā ngā kaiwaiata Māori noho me te mate hokirua. Ko tā te terenga wawaro-nui, hākinakina ā-taiao, ko tā No Limits, he ruku ki te ahurea hinengaro o ngā kaitākaro Māori e hiahia anake ana ki te aro ki tētahi mea – ki te tere o te haere.

I TAHI hoki, ka kitea ngā whetū o te pae papori, a Torrell Tafa rāua ko Terewai Kopua, i The All Goods Race, e reihi ana ki te whakawhiti i Te Ika a Māui, heoi, ko te whakawhirinaki atu ki ngā ngākau nui o te hunga o Aotearoa te ture matua e tae atu ai rāua ki tērā atu taha.

He terenga reo Māori a Haka Life, Te Matatini 2023 ka pāhotia mā te ipurangi, e mātai ana ki ngā aupiki me ngā auheke o ngā toa o Te Matatini o te wā, o Ngā Tūmanako, i a rātou ka whai i te taonga karapīpiti i te whakataetae hei te 2023.

“NZ On Air is thankful that our partnership with Te Māngai Pāho continues to produce such innovative and entertaining bilingual content that normalises the use of te reo Māori across a wide variety of media platforms,” tā te Tāhuhu Rangapū o Irirangi Te Motu, a Cameron Harland.

“Whether New Zealanders engage with these projects on linear TV or through their social feeds, it’s heartening to know that high-quality content that deepens our understanding of te ao Māori is widely available for diverse Aotearoa audiences,” āna kōrero tāpiri.

“We are pleased to see a number of quality, diverse and bilingual projects succeed in this co-fund round. It represents an opportunity to share Māori stories and perspectives with a range of audiences in the hope that it will encourage and support all New Zealanders to speak te reo Māori,” tā te Kaihautū o Te Māngai Pāho, a Larry Parr.

“Te Māngai Pāho is grateful for this collaboration with NZ On Air to fund content that has the potential to connect the world with te ao Māori,” āna kōrero tāpiri.

Ngā kōiriiri tukunga pūtea

National Treasures 2, 4 x 44 miniti, Pango Productions mā TVNZ 1 me TVNZ OnDemand, kia eke ki te $1,218,856.

Get The Name Right, 6 x 22 miniti, Pango Productions mā ThreeNow me Three, kia eke ki te $693,374.

Hua Parakore, 8 x 26 miniti, Storybox mā Māori Television, kia eke ki te $614,594.

Casketeers 6, 8 x 23 miniti, Great Southern Television mā TVNZ 1, kia eke ki te $598,903.

1.5 Degrees – A Global Warning, 8 x 25 miniti, Fautline Films mā Māori Television, kia eke ki te $588,276.

Auraki, 8 x 26 miniti, Black Iris mā Māori Television, kia eke ki te $587,122.

Impossible: Stan Walker, 1 x 44 miniti, Kura Productions mā TVNZ 2 me TVNZ OnDemand, kia eke ki te $367,746.

Kia ora, Good Evening, 1 x 44 miniti, Great Southern Television mā Three, kia eke ki te $231,879.

Haka Life Te Matatini 2023, 10 x 10 miniti, Mako Media mā (e whakaūngia ana te paepāho), kia eke ki te $408,218.

No Limits, 6 x 10 miniti, Fire Fire mā ngā paepāho a RNZ me te paepāho a Fire Fire, a FlameNZ, kia eke ki te $195,000.

Imposter, 5 x 10 miniti, Fire Fire mā ngā paepāho a RNZ me te paepāho a Fire Fire, a FlameNZ, kia eke ki te $175,000.

The All Goods Race, 8 x 10 miniti, Westpark mā RNZ TAHI, kia eke ki te $151,936.

Ka whakawehea te tapeke o ngā tono pūtea kia 50/50 i waenganui i a Te Māngai Pāho me Irirangi Te Motu.